سجاول(رپوٽ:عتيق الرحمان کتري)سجاول ۾ باء پاس ته تعمير ٿي ويا پر زميندارن کي سندس معاوضو نه ملي سگھيو.زميندارن جو سجاول پريس ڪلب اڳيان احتجاجي مظاھرو ڪيو ويو. خبرموجب:ڪراچي کان ٿرپارڪر تائين ٺھيل روڊ ۾ ڪيترن ماڻھن جي زمين جي وچان روڊ ڪڍيو ويو.سجاول جي باء پاس پڻ تعمير ٿيو جنھن ۾ ڪيترن ئي زميندارن جو زمينون پڻ ان روڊ جي وچ ۾ اچي ويون آھن.سجاول جي زميندارن لڌو ساندڇانگو ملاح،صديق ملاح سجاول پريس ڪلب اڳيان احتجاجي مظاھرو ڪندي چيو ته اسان جي زمين وچان روڊ ٺھرائي اسان جي زمينن تي قبضو ڪيو ويو آھي.اسان جي زمينن جا کاتن ۾ ھيرا ڦيري ڪري ضلعي انتظاميه کاتا گم ڪري ڇڏيا آھن.ھنن چيو ته اسان ڪيترائي ڀيرا احتجاج ڪيا آھن.سنڌ جي وزيرن سميت ٻين علمدارن جي اڳيان احتجاجي مظاھرو ڪيو آھي پر اسان جي ڪير به ٻڌڻ لاء تيار نه آھي.ھنن چيو ته ڊي سي آفيس سجاول وڃون ٿا ته اسان کي ڊي سي ۽ اي سي آفيس مان ڌڪا ڏئي ڪڍيو ڇڏين ھنن چيو ته پ پ چئرمين بلاول ڀٽو ۽ وزيراعلي سنڌ مراد علي شاه ان معاملي جي جانچ ڪرائي اسان جي زمينن جون معاوضو ڏنو وڃي.
