پاڪستان ڪرڪيٽ بورڊ جي مئنيجمينٽ ڪميٽي جي چيئرمين نجم سيٺي چيو آهي ته ورلڊ ڪپ لاءِ ڀارت وڃڻ جو فيصلو شاهد آفريدي کي ناهي ڪرڻو، ڀارتي ۽ پاڪستاني حڪومت کي ڪرڻو آهي.
پرڏيهي ميڊيا سان ڳالهائيندي هن چيو ته ورلڊ ڪپ لاءِ ڀارت وڃڻ جو فيصلو شاهه ۽ منهنجو به ناهي، اهي فيصلا سڪيورٽي جي بنياد تي ٿين ٿا، جيڪڏهن حڪومت چوي ٿي ته توهان ورلڊ ڪپ کيڏڻ وڃو ته ضرور وينداسين.
نجم سيٺي چيو ته ايشين ڪرڪيٽ ڪائونسل جي سربراهه جئي شاهه جي درخواست تي نائب صدر پنڪج کمجي سان ملاقات ڪئي، هائبرڊ ماڊل تي هاڪاري ردعمل آيو، جيئي شاهه کي بريفنگ جو ٻڌايو.
هن چيو ته مون کي 15 مئي تائين ٻڌائڻ جو چيو ويو هو پر مان اڃا تائين فيصلي جو انتظار ڪري رهيو آهيان، سريلنڪا جو اي سي سي تي دٻاءُ آهي ته نيوٽرل وينيو سريلنڪا کي ٺاهيو وڃي.
