ڪراچي ۾ بجلي جي قيمت ۾ وڏي واڌ جي تياري ڪئي پئي وڃي.
ڪي اليڪٽرڪ بجلي جي في يونٽ قيمت 3 رپيا 45 پيسا مهانگي ڪرڻ جي درخواست ڪري ڇڏي آهي.
نيشنل اليڪٽرڪ اينڊ پاور ريگيوليٽري اٿارٽي (نيپرا) موجب ڪي اليڪٽرڪ بجلي جي اگھن ۾ واڌ سيپٽمبر جي فيول ايڊجسٽمينٽ جي مد ۾ گھري آهي.
نيپرا جي نوٽيس ۾ چيو ويو آهي ته ڪي اليڪٽرڪ جي درخواست تي 3 نومبر تي ٻڌڻي ڪئي ويندي.
ذريعن جو چوڻ آهي ته ڪي اليڪٽرڪ جي درخواست منظور ٿيڻ جي صورت ۾ واهپيدارن تي 6 ارب 64 ڪروڙ رپين جو واڌو بار پوندو.
