مٽياري: ڀٽ شاهه ۾ قومي عوامي تحريڪ پاران ڊجيٽل آدمشماري ۽ مهانگائي خلاف درگاهه تائين ريلي ڪڍي وئي.
ضلعي صدر ماجد خاصخيلي، شيراز لاکو، مور ٻلال، عقيل مرزا ۽ ٻين جي اڳواڻيءَ ۾ ريلي ڪڍي وئي.
اڳواڻن پاران درگاھ ڀٽائي تي حاضري ڀري موجودہ حڪمرانن ۽ سنڌ سان ويساھ گهاتين خلاف دانهن ڏني وئي.
مظاهرين جو چوڻ هو ته سنڌ جي وسيلن تي ڌاڙا هڻي سازش تحت سنڌين کي اقليت ۾ تبديل ڪرڻ جي ڪوشش ڪئي پئي وڃي.
اڳواڻن چيو ته اسان اهڙي آدمشماري کي قبول نٿا ڪريون، هر روز بدامني ۾ اضافو ٿئي پيو، حڪمرانن ملڪ تباھ ڪري ڇڏيوآهي.
